小巴司機重遇打尖大媽上演溫馨結局　網民：變成「愛的故事」

日前有網民分享元旦凌晨乘坐小巴智退插隊大媽經歷，引起一眾乘客及網民佩服力讚。原來翌日再發生「小巴打尖故事續集」，事主重遇同一位小巴司機、同一位大媽，但故事氣氛變得溫馨，事主更形容「愛回家過愛回家」。

專頁「哈弟Hadee－我由乜乜徒步到乜乜」（Hadee）於1月2日分享元旦凌晨搭小巴回家的所見所聞，當時一位操國語的大媽在50人的小巴人龍前方插隊，引來乘客不滿，小巴司機熄匙與一眾車上乘客趕大媽下車，在擾攘期間一位「肥哥仔」情急生智奪去大媽電話、衝下車放在地上，當大媽下車拾電話時司機迅速地開車離去。（詳見前文〈小巴司機與機智乘客擊退打尖大媽　網友：香港人團結就會有好結局〉）

豈料事件發生後翌日，分享故事的版主Hadee再重遍同一位大媽、同一位小巴司機，但今次大媽學會守規矩了：

我真係冇講大話，頭先搭小巴又撞到個阿姐。佢今日好乖有排隊。仲要好愛回家劇情咁，又撞返同一個司機。

司機好Nice：喂，阿姐。
阿姐驚慌：我有排隊！
司機無奈：我知，我見到⋯⋯
阿姐：我真的有排隊！
司機冇你咁好氣：我係想叫你唔使嘟卡，上次你畀咗錢，我諗住今次唔收錢喇，我唔係話你唔排隊呀！

最後解釋一大輪，阿姐終於聽明白了。

#阿姐又衝去嘟卡
#但總算學乖了 
#我覺得自己好似狗仔隊 
#晚晚監視住佢哋 
#愛回家過愛回家

此段故事小花絮再次引來網民討論，大讚小巴司機做得好：「司機做得好，教導啲不守規矩嘅大陸人咩叫守規，到佢做番啱，又補番上次程車錢俾佢。」

有網民更幽默地稱司機與大媽的情節「很有愛」，問「 最後司機會唔會同阿姐結婚？」，版主Hadee回覆留言再分享一個「彩蛋」，指「阿姐落車時，司機講咗句：我唔怕老婆，但都怕咗你！」，並笑稱「好似有少少Sweet」。

帖文上載短短7小時已獲超過3000多次轉發，不少網民都希望大媽從此學會守規矩。